panata sa sosyalismo

di tayo titigil
hanggat di nagwawagi
ang ating mithiing magkapantay pantay
walang magsasamantala
walang mang aapi
yan ang sandigan ng ating pamumuhay

ihahakbang natin ang bagong kaisipan
ng pinakasulong na uri ng lipunan
mananaig ang diwa ng proletaryo
bawat hakbang natin
patungong sosyalismo

magbabago ang paggamit ng ating makina
hindi na gagamitin sa pagsasamantala
ating yayariin
atin lamang gagamitin
walang patutunguhan sa ating lilikhain

pasya ng karamihan
ay ating lilikumin
agad na tutupdin ng walang alinlangan
babaguhin ng proletaryo ang buong mundo
bawat hakbang natin patungong sosyalismo

di tayo titigil
hanggat di nagwawagi
ang ating mithiing magkapantay pantay
walang magsasamantala
walang mang aapi
yan ang sandigan ng ating pamumuhay.