mendiola

mabuhay ay langit sa sariling bayan
kung ang sambayanan ay may kalayaan
umaga ay tula ng kaligayahan
at ang dapit hapoy awit kung pakinggan

inang bayan kahit may piring ang mata
may busal ang bibig, may takip ang taynga
may gapos ang kamay ng lupang kadena
hanap ay paglaya sa daang mendiola

taas ang kamao tanda ng paglaban
daanglibong anak pagtutol ang sigaw
putok ng armalite sagot ng kaaway
ang akala yata'y uurong ang bayan

nagliliwayway na mapula ang langit
ang bayang inapi ngayoy nakatindig
pag ibig ay lalong sumigasig
sa daang mendiola
tagumpay ang awit.