Ibong Malaya

Minsang ako'y dumungaw
aking napagmasdan
ang sikat ng araw
sa dakong silangan
aliwalas ang langit
at aking natanaw
isang kawan ng ibong malayang lumilipad
kung ang ibo'y hinuli
saka ikinulong
ligaya'y maglalaho
lungkot ay lalambong
ginto man ang hawla
laya rin ang hanap
bagwis ma'y malagas
pilit na lilikas

Pagkat tao ay tulad rin ng ibon
may bagwis sa paglayang kanyang layon
kahit may kadena at harang na rehas
pilit na mag aalpas

Masdan ang daloy ng tubig sa batis ng gubat
hindi ito matutuyo
bukal nitoy likas
mumunting agos na sa ilog
magtitipong lakas
tiyak na mararating
ang inang dagat
kung ang daloy ng tubig
pilit na sagkaan
taasan man ang harang
hahanap ng daan
tubig na naipo'y higit na lalakas
tibayan man ang harang sa huli'y sasambulat

pagkat ang tao ay tulad rin ng ilog
sa pagsulong niya'y hindi rin tutukod
wawasakin ang lahat ng balakid
upang laya'y makamit.

upang laya'y makamit
upang laya'y makamit.