100 taon

pinagtagpo tayo ng hirap at dusa
sa isang panahon ng pagsisimula
pinagbuklod tayo ng pagsasamantala
at ng mithiing lumaya

ang bawat pagsubok ay ating sinuong
sa bawat labanan ay laging pasulong
tayong manggagaway magkakapit bisig
sa iisang kilusay tumindig

100 taon ng dakilang pagkakaisa
100 taon mabuhay ang pakikibaka
100 taon ng ating kilusang paggawa
100 taon sa pananagumpay ng digma

pinapanday tayo ng mga tunggalian
lalong pinatatag ng mahabang karanasan
lakas natin ay mapagpalayang kilusan
na hahawak ng kapangyarihan

at ating kasamay mga magbubukid
at ang sambayanang hindi madadaig
dudurugin natin imperialistang ganid
hanggang ang tanikalay mapatid


100 taon ng dakilang pagkakaisa
100 taon mabuhay ang pakikibaka
100 taon ng ating kilusang paggawa
100 taon sa pananagumpay ng digma

100 mabuhay ang manggagawa3x